الـوجـيـه الـفـلـيـحــه

الوجيــــه الفليحـــــة

بـيـن الــظــروف وبــيـن قــو الـعــزايــم

وبـيـن الـهـقـاوي والـسـنيـن الـشحيـحه

وبـيـن الــتـفــكـر في الأمـور الـعــظـايـم

وصدر الـصديـق الـلي يقــزي فـحيـحه

اللـي لـحــقــه مـن أهــل الـعــرف لايـــم

لــه نـيـتـه يـمـكـن تـعـجــل مـطــيــحـه

صـديـت عـن شــرواه شــائـم وصــايــم

بــبـعــد عـن الــمـتــرديـه والـنـطــيـحـه

مـا هــمـني هـرج الـضـعــوف الهـلايــم

الـلي عـليهـم مـن هـل الـطـيـب صـيـحه

ورسـمت صـرح ٍ لـه أســاس وقــوايـــم

ونهـجـت مـنهـاج الـوجـيـه الـفــلـيـحـه

وعــرفــت بــأن مـع الــعـزايـم غــنـايــم

والـلـي يـوقــف في طـريـقـي بــأزيـحـه

خـصـوص مـن يمـشي وهـو شـبه نـايـم

جــوه مـغــيــم والــروابــع فــضــيـحــه

ولـو طـاح وسـط الـبـحـر ما هـو بـعـايـم

والـمـشـكـلـة مـا يـسـتـمـع للـنـصـيحـه

مـا هـو يـفــرق فـالـنـصــر والــهــزايــم

ويــذم فـالعـالـم والأسـمـاء الـصريـحـه

جـعـلـه أفـد اللـي يـفـعـل الـطـيــب دايـــم

وهـــمــه وســـره للـعــرب مـا يـبـيحـه

واليـوم ســيـف الـعـدل ضــد الـجـــرايــم

وأصـدورنـا تـبـقـى فـجـوج ٍ فـسـيـحـه

ومـنــلام لـو ســـددت بـعـض الـقــسـأيـم

وحـذفـت بعـض أرقـام ذيك الـشـريحـه

مهدي بن مسفر الحبابي