على طاري صباح الورد

على طاري صباح الورد

على طاري صباح الورد.. وإسمكـ .. والحلا والـذوقـ ...
ذكرتـك يااجمـل أحلامـي بقافـي واستهليـتـه ..

::

على درب القصيد أسوق قلبي والخطـاوي شـوقـ ...
وإذا مالت بـي الخطـوهـ علـى دربـك تنآسيتـه...

::

يهز الشـوق بأعماقـي عناقيـد الغـرام عـذوقـ ...
ويقطف بالغلا فينـي غـرام(ن) خنـت وأخفيتـه ..

أحبك كثر ما يشعل غرامك في حشـاي حـروقـ ..
و شبٌهـ زود لو يحرق ضلوعي مـت مـا اطفيتـه...

::

أحبك دمعت(ن) طاحتـ على خد الصباح اشـروقـ ..
يموت النور لو طاحـتـ علـى كفـي وضميتـه..

::

أحبكـ إيه أحب إسمكـ وأمـوت بجيـدك المنتـوق ...
و تخيل كثر مـا أكـره صـدودكـ قمـت حبيتـه ...

تموت من البطا غيمه... طعنها مـن جفـاك بـروقـ ..
وغشى روض الحشا وسمي جفافك وإنت ما ارويته..

::

رحلتـ وما بقى منك سواك إنتـ و عنا مفهـوقـ ...
عَنَـا ذاك الربيـع اللـي عشانـي مـا تمنيـتـه..

::

تعالـ إجرح على كيفكـ تربع واستحـل عـروق ..
تدلـل والبسـاط أحمـد وأنـا لرضـاك مديتـه..

قم إسهج لآخر ضلوعـيـ تغلغـل داخلـي برفـوقـ ...
حلالك ما بقى منـي مـع اللـي لأجلـك أفنيتـه...

::

من اللي من غديت أجملـ قصيدة ما غـدا لـه ذوقـ ...
ومن اللي كتـب باسمـك قصيـده وانكسـر بيتـه...

::

وربي من كتبتـ إسمـك وبروزتـه بقلبـي فـوقـ ..
و أنـا مـا دار فـي بالـي قصيـد مـا تحاليتـه..

دخيل الدمعتين اللي غدت منهـا الخـدود شقـوقـ ...
ترفق سامحكـ ربي علـى قلـب(ن) لـك أهديتـه ..

::

إذا لك حق في قلبي , فأنا لي فـي غـلاك حقـوقـ ..
و حقوق الشوقـ محفوظـة وحـدي مـا تعديتـه..

م/ن

» صباح الخيرات